الفرحة حق لكل طفل… ومش لازم تكون الظروف عائق قدام ابتسامته
بمناسبة اليوم الدولي للقضاء على الفقر | International Day for the Eradication of Poverty، بنؤمن في يلا جوردان إنه محاربة الفقر مش بس بتقديم المساعدات المادية، لكنها كمان بتبدأ بالتكافل، والاهتمام، وإعطاء كل إنسان فرصة يعيش لحظات من الفرح والكرامة.
وعشان هيك، قررنا نحوّل هالمعاني لخطوة بسيطة وأثر حقيقي
يوم السبت 24 أكتوبر، رح نجتمع مع 25 طفل من مدرسة الناصري الإنجيلية في الأشرفية، ونقضي معهم وقت مميز في الحرية مول، مليان ألعاب وضحك وذكريات حلوة.رح نلعب معهم، نتشارك وجبة طعام، ونقدّم لكل طفل هدية صغيرة، والأهم من كل هاد… رح نعطيهم من وقتنا واهتمامنا ومحبتنا.
كيف ممكن تكون جزء من الفرحة؟
- تساهم بتغطية وجبة لطفل.
- تتطوع بوقتك وتشارك الأطفال يومهم.
- تساهم بتقديم وجبة وهدية.
- تتكفل باحتياجات طفل خلال النشاط.
- تساعدنا بالتجهيزات والتنظيم.
سواء بمشاركتك معنا، أو بمساهمتك في تغطية تكاليف الوجبات والهدايا والأنشطة، كل مساهمة مهما كانت بسيطة إلها أثر كبير.
تفاصيل النشاط:
- السبت | 24/10/2026
- 11:00 صباحًا – 2:00 ظهرًا
- الحرية مول
التجمع والانطلاق:
- مكان التجمع: مصفات سي تاون – الدوار السابع.
- وقت التجمع: 10:45 صباحًا.
- موعد الانطلاق: 11:00 صباحًا.
المساهمات المتاحة:
3 دنانير | 5 دنانير | 7 دنانير
وكل مساهمة رح تساعدنا نرسم ابتسامة ونصنع ذكرى حلوة لطفل.
هاي مش مجرد فعالية ترفيهية…
هاي فرصة نكون فيها سبب بفرحة حقيقية، ونذكّر حالنا إنه العطاء مش بس بالأشياء اللي بنقدمها، أحيانًا أجمل هدية ممكن نعطيها هي وقتنا ووجودنا.
يلا نشاركهم الفرحة… ونصنع معهم ذكريات بتضل بالقلب
مع تحيات
فريق يلا جوردان
